أحاسيس مبعثره

أنا عمري 19 حابهه اعترف أو أفضفض لكم ؤاشوف تعليقاتكم هالسالفه صارت من وأنا في 3 متوسط وأنا الحين في أولى جامعه مرإ كنت أسهر أنا وأخواتي وكنت طفشانه حيل أبي اسوي أي شيء يسليني رحت لجوال اختي اللي كان عليه ازعاج ورديت وقعدت استبهل مع اللي يدق عليها وتفاعلت معه وقعدت أسولف ويكلمني عن نفسه يقولي اسمه ومن ؤين وأنا أسمع له قعدت أكلمه لين الساعه 11 الظهر إنا كنت أحسبه خلاص لحظه استهبال أو فراغ وبصكر منه وعادي الوضع جاء اليوم الثاني بنفس الوقت دق واختي ماكانت تنتبه لجوالها يعني أغلب الوقت معي ولما دق اليوم الثاني رديت وقعدت أسولف نفس المرأ اللي طافت وهو قعد يستعطفني ويبين لي أنه يبي يسوي بيننا علاقه كان يسألني إذا معي جوال أو لا ويسألني عن اسمي ووين ومن بنته وأنا كنت مأعرف لهالاشياء كنت أجاوب ؤربئ على نيتي قعدت أكلمه تقريبا يوميا واختي كانت تشوفني بسس تتوقع إني العب واستهبل مثل كل مرإ مرت شهور وأنا معه ومتسمره وصار جزء من حياتي حسيت إني ملت له واستلطفته بالبدايه وهو من بعد شهر من تعارفنا صار يقولي كلام حب وغرام وأنا كنت في مرحله مراهقه إكيد بتأثر من كلامه وصرت اقوله بعد كلام حب وأحبك ومن هالكلامم لين ماججد حبيته وهو بعد حبني بسس ماكأن بيننا ثقه واللي مأخلاني أثق فيه أكثثر إني اكتشفت بيوم من الأيام أنه مؤ أصل يعني مؤ قبيلي واحنا من قبيله معروفه وتعرفون القبيليه مأتتزوج صلبي. وحتى زغلت منه لأنه كذب علي وجلست شهر مااكلمه لين يوم رديت عليه في لحظه ضعف ويقولي طيب أنا وش ذنبي إذا أمي ؤابوي. مؤ أصل اثر فيني كلامه وحسيته كان متضايق لما كان يكلمني هديته وقلت له أنا حبيتك لذاتك مؤ لشئ ثاني بسس وش نهايه هالحب انا مؤ لك ولا انت لي كان يقولي ماتدرين بالدنيا كملت معه 3 سنوات كل يوم نتعلق ببعض أكثر صار أقرب لي من خواتي كنت أي شيء اقوله له وهو دائم يفصفض لي حتئ أذكر لما توفى أبوه كان وهو. في هالظرف مابعد عني بالعكس حسيته كان. وقت كان محتاجني فيه أنا كنت متضايقه عليه ومرتاحه لأنه ما لجئ لغيري جاني أنا وفضفض لي. كنا نحب بعض ؤربئ بجنون مع أننا عارفين أن نهايه هالحب إيش وعارفين. بعدا لعلاقه كلها غلط بغلط كنا نقول لبعض هالكلام بسس مانتوب ومانقدر نتحكم بأنفسنا مرت سنتين وجيت أنا بآخر سنه بالثانوي قررت إني أصارح صديقتي وأقولها لأني أنا من النوع الكتووم ماحب اطلع أو أبين لأحد أي شيء يخصني. قررت أخبرها ؤاشوف ردها لأنها كانت هي أقرب وحده لي لما خبرتها قعدت مصدومه ساعه تقولي انتي. الحين اللي تسوينه أكبر علط تحبين واحد بمجرد مكالمات بينكم. وصارت. تنصحني كل يوم حتئ لما أسولف لها بسالفه تدخل سالفته وتنصحني صرت إتاثر من كلامها وكنت اقوله. كان يقولي إذا تحبيني مأرح تتركيني مرت فتره بسيطه وكلمته فيها وقلت له أنا ماابي أحبك أكثر ببعد عنك لأنك مؤ لي ولا أنا لك يعني عذاب وآخر شيء مصيرنا نتفارق. اقنعته وقالي خلاص بسوي اللي تبينه وببعد عنك بس مستحيل إنساك وأبيك توعديني بين كل فتره والثانيه تطمنيني عنك ؤوبعدت. عنه لين خلصت ثالث ثانوي. وبدت الاجازه والتهيت عنه بسس جاتني فتره حنيت له وصرت أراسله ع الواتس اب. والفيس بوك ولما حسيت إني برجع لنفس الموال بعدت عنه ولاعاد رديت لإعلى الواتس ولا ألفيس وهو بعد عني. بسس من كثر ماأنا أبي انساه الحين اسوي غلط أكبر من اللي كنت اسويه معه أحاول إني أحب أي أحد عشان انساه قبل فتره يرسل لي رقم غريب توقعته هو مارديت بعدين جتني رساله أنه واحد يقرب لي ويحبني بعد مارديت لأني أنا وعدت صديقتي ابعد عن الأشياء اللي تضرني بسس إلحاحه في الاتصال والارسال أجبرني أرد ظلع ولد خألتي كان يعترف لي أنه يحبني وصار يدق وارد مع أنه متزوج هو وعنده ولدين بسس من جد أنا مبعثره الحين ماادري صايره أرد عليه بدون شعور أبيه ينسيني أبيه يبعد من تفكيري اللي أحبه. الحين أكلم ولد خألتي ورجعت أراسل اللي أحبه يعني شيء مأقدرت استوعبه ماادري شفيني. جد أحاسيسي مبعثره. « واعترافي ! اعترافي إني حبيته ♡̷̷̷



23 تعليقات على “أحاسيس مبعثره”

  1. جوج قال:

    أختي ، تقدرين تكونين أقوى من كذا ، لازم تضحّين عشان تكونين أنسانة كويسة و شريفة
    يعني ؤش تتوقعين بتكون ردت فعل اهلك لو دروا إن بنتهم تكلّم و تسوي علاقات !
    الحين خلينا من اهلك ، “ربك” نسيتيه !!
    نسيتي إنك عصيتي الله
    أنتي أستعيني بالله ، قومي الليل و ادعي ربي يسامحك و يفرّج عليك

    الله ئعينك يا إختي و ييسر لك ~

  2. .. قال:

    كلام الي فوق عين العقل والله مراح يفيدونكم تكفون فكرو شوي

  3. البرنس قال:

    عقلي يقول صدق وقلبي يقول لا

    قصه من نسج الخيال
    اعوذ بالله كدت ان استفرغ من اعترافك الفاشل
    ياشباب شكلها هي نفسها اللي صاحب اخوها كاتب على السياره حقته حرف اسمها ! فاكرينها ؟ اكاد ان اجزم انها هي نفسها

    اعتراف ابو كلب قالت ايه قالت حتى وقت ابوه توفى قاعد يكلمني
    مع نفسك انتي وعترافاتك الفاشله

  4. ساره قال:

    البرنس الله يرجك للحين مانسيت اعتراف البنت أم الحرف هههههههههههههههههههههههههه

  5. سهاد قال:

    البرنس … ياليت لوَ. رديت بأحسن من كدا لانك اساسا مو ملزوم تردّ. ادا مانت مصدق وتشوف السالفه فاشله يآاليت يآخوي تنصح بخير والا تسكت،

    المهم اختي. مستحيل. تعوضي ذنب. بذنب كدا تزيد حآالتك. يعني تحاولي تحبي غيره عشآن تنسيه صدقيني مآرآح يرتاح لك بال.بعدين تكلمي ولد خالتك وهوا متزوج طيب لو دآرت الدنيا وزوجك يكلم وقدامك ترى ربنا يمهل ولايهمل والدنيآ تلف وتلف وتدور عليك ليش مافكرتي وقلتي. اتركهه عشاآن ربيّ يعوضني صدقيني تقدري. تخيلي. لو. لاسمح الله يعاقبك ربنا وتتزوجي واحد ماترتاحي معه عشآن عملك دا. العيال ماوراهم الا المشاكل والهم. وانك تكلميه اكبر غلط بس كنتي صغيرآ دحين انتي بالجامعه وكبرتي. طهري نفسك. خليك اعلى من كدا. اتمنى يآحبيبتي ان ربنا مايقبض قلبك وانتي ماتبتي. اتمنى من كل قلبي لانو ادا انحطيتي بقبرك. ماحد بينفعك. لآ الحب ولاآ اي شخص. ماخلقنا الا لعبادته. قربي لربك رآح يسعدك.

    ….تقبلي مروري . الله يهدي الجميع.

  6. رورو قال:

    حبيبتي. تؤكلي علئ ربك والجئي له ..
    والناس إلي قآعده تحطم حرام ؤربي
    البنت جآية تعترف تبي مساعده وأنتم تتريقون عليها وتضحكون
    ؤالله حرآم
    وبعدين أختي حاولي قد مآتقدرين ولد خآلتك تبعدين عنه
    لأنه متزوج
    وصعبه تخونين. زوجته ؤانتي أكيد تقابلينها وتسلمين عليها
    إنتي المفروض تنببهينه إذا خانها مو تساعدينه
    وبعدين ياعمري إنتي لو جاك ولد الحلال
    ؤش بيكون نظرة ولد خالك لك
    آصلن يمكن يتهور ويقول لزوجك بيوم من الأيام إذا بعدتي عنه
    حاولي يآروحي تكونين تائبة لربك وتستغفرين عن كل ذنب سويتيه
    أسجدي للي خلقك آخر الليل وأقرأي صفحتين من كتاب ربك
    ؤالله أن الله ينزل للسماء ويمشع لعباذه
    مآفيه أحد بيساعذك مثل اللي خلقك وعارف مصيرك
    كلنا مممجرد كلام
    بس الله هو الوحيد القااادر
    حتئ لو سجدتي يوم يومين ثلاث ودعيتي
    ؤربي مآستجاب لك
    لآ تيأسين
    ترى آللله إذا مآستجاب دليل أنه. يشتاق لصوت عبده
    ويبي كل يوم يسمعه يدعيه ويرتجيه
    يشتاااااااق سبحانه
    فديتككَ حاولي تصححين أخطائك
    ومافي انسان معصوم من الخطأ
    إنتي آخطيتي وكلنا أخطئنا
    بس أرجعي لربك
    ؤالله يطمن قلبك ويكتب لك كل فرح بحياتك ينسيك همومك

  7. بنت '$ قال:

    اذا كنتِ تكذبين ترى ربي يبتليك لان الكذب مو هين ..

    المهم اختي انك عرفتي الغلط من الصح !
    يا بنت ترا هالحب غلط كككله غلط لانه حرام
    ربي حرمه اكيد لانه مو من مصلحتي و لا من مصلحتك ، انتي بس صلي ركعتين و اقري لو صفحتين من القران بس جربي
    والله لو تجربين بتكررهين اصلا هالشي ، لان الشيطان هو اللي خلاك تحبينه ،
    ولا اصلا في داخلك تعرفين ان هالتصرف خاطئ
    تحتاجين بس قوة و كم من يوم عشان تتركينه و بالنسبة لولد خالتك لا تعطينه وججه و لا تخربين على زوجته لان لو كلمتيه راح تخربين بيتهم ، واذا كلمتيه مره ثانيه عاقبي نفسك :)
    و اذا تركتييه شهر كافئي نفسك وهكذا “”")

  8. Mero قال:

    آسأل اللهَ لكِ آلهداايهَ
    نفسي آعرف ماتحسون بتأنيب آلضمير :(
    مآيذببحكم ضميرككم
    آلله يسترنا علينا وعلى بنات المسلمين

  9. ... قال:

    شوفي آختي انا مصدقهه قصتكك ﻷنهآآ صارت كثير مع بنآت آعرفهم ‘
    وانا شخصيآآ كنت آحب شخص عن هالطريق تقريبآا واستمريت معاهه سنه كاامله بس والله كان ضميري يأنبني وشفت مقطع عن عقوبة البنت اللي تحب واحد ب الحرام وخلاني اكرهه علاقتنآآ آكثر وَ آكثر والله هالحب مَ وراهه خير ماغير ضيقةة صدر وهموم والله يوم تركته آرتحت وتبت لربي وﻻ آفكر آرجع لهه ابببد وﻻ تصدقين آنه قاعد يكلمكك وهو محزن وعندهه عزآآ ترى في ناس تقدر تكذب وتتفنن ب الكذب بس عشان يستعطفكك انتي لو تفكرين ب كل الاشياء اللي تصير بينكم بتحسين نصهآآ كذب وتمثيل ﻻتصدقين انه الشباب يحبون و يضحون من مكالمات مثلنآآ آحنا البنآت والله نص العلاقهه تسليه ف يآ آختي ترفعي عن هالسوالف وترى الدنيآآ دوارهه مثل مَ تسوين مع ولد خالتكك مدري خالكك ترى زوجكك بيسويه آنتي شلون ترضينآآ أصلآآ خافي ع نفسكك ي آختى وخافي الله آول

  10. البرنس قال:

    ههههههههههههههه الرد اللي فوق هي شكلها تعزز لنفسها
    خخخخخخخخ

  11. لايكثر قال:

    الله يهديك يارب هذا يعتبر زنا العين تزني والأذن تزني واللسان تزني وافتكري كل ماجيتي تكلميه العذاب يوم القيامه اللي مامنه مفر إلا رحمة الله عزوجل اسال الله لكي الهدايه الكل قال بديناها كذا وشوفي النهايه كيف

  12. إحساس قال:

    رورو ولا يكثر كلامكم مـِْ♡̨ـِْا شاء الله جميل جدا ؤمؤثر بقوووة وأتمنى. أحاسيس مبعثرة تأخذو بنصائحهم وطنشي اللي يحطموكي المهم حبيت انصحك أنا بعد. الطريق اللي مشيتي فيه صح خطأ بس كل انسان يخطأ ؤانتي انسانة وتخطئي وأخطاتي بس لإزم بعد تصلحي أخطائك وما تستمري فيها مو غلط لو أخطأنا الغلط أننا نستمر في الخطأ وإذا على ولد خالتك انصحك نصيحة ابتعدي عنه وخاصة في حالتك آْنَـỲǑŲـْتي ميؤوسة فلمن تلاقي واحد قدامك تبي تتقربي منه عشان تنسئ الأول وهذا أكبر خطأ أولا حتدمري مستقبل عياله وتخربي بينه وبين مرته ومنجد حيأخذ فكرة بطاله عنك مـِْ♡̨ـِْا تدري في إذا دحين أعطيتي وجه وبعدها تركتيه وصحيتي على حالك ؤاللي بتسووي خطأ لمن يجيكي واحد يخطبك يقوول هدي كانت تكلمني مـِْ♡̨ـِْا تدري إيش يصير الحقد يسوي أي شيء فانتبهي وانتبهي أبد لا تورطي نفسك مع ولد خالتك إذا آْنَـỲǑŲـْتي مـِْ♡̨ـِْا أعطيتي وجه هو صدقيني حيبتعد عنك. وإذا تبي تنسئ حبيبك والله مافي إلا طريق ربنا سبحانه وتعالى ملك الملوك فقط تأملي الآية (( وإنما أمره إذا أراد شيئا أن يقول له كنت فيكون)) ((فسبحان اللذي بيده ملكوت كل شيء واليه ترجعون )) انتي ادعي الله إذا كان هو خير لكي يقربك منه وإذا كان شر يبعدك عنه في صلاة الوتر في الصلوات المفروضة في السجود أقرب مـِْ♡̨ـِْا يكون العبد لربه في السجود ولا تقولي لأنه أجنبي أنه مستحييئييل يـٌ♡ـٌا أختي في الله والله ثم والله ثم والله مافي شيء مستحييئيئيل مافي شيء بعيد على الله بس أحسني نيتك بالله وتوكلي على الخالق الله قال(( إنما أمره إذا أراد شيئا أن يقول له كن فيكون فسبحان اللذي بيده ملكوت كل شيء واليه ترجعون ) سورة يس الآيات الأخيرة ،، لو ربي أراد ♡لكـ ;..♡ ذا الشخص لا امك ولا أبووك ولا قبليتك يقدروو يمنعووه أنه يتزوجك بس تؤكلي غالى الله من تؤكل على الله فهوو حسبه. وتقربي من ربك (( وإذا سألك عبادي عني فإني قريب أجيب دعوة الداع إذا دعان فليستجيبوا لي وليؤمنوا بي لعلهم يرشدون )) سورة البقرة أية. 186 بس ادعي من قلبك والله هدي أكبر نصيحة ؤاقرائ كل يوم سورة البقرة بنية آْنَـỲǑŲـْتي تبيها سوان إذا يبعدك أو يقربك أو ييسر لكي ويتزوجك وما حتندمي لأن سورة البقرة إخدها بركة وتركها حسرة. لا تقولي طويلة انتي جزأائ بعد كل صلاة ورح تقصر عليك بعد كل صلاة اقرأي خمس صفحات وتختميها في صلاة العشاء وصدقيني نصيحة والله نصيحة بس بنية صادقة وعزم وتوكل على الله اقرأي سورة البقرة كل يوم لين ربك يفرجها لأني أنا مجربة إلحمدلله فوائد قراءة سورة البقرة وأتمنى من كل قَلـٌ♡ــٌيے:$<3 تستفيدي وتتاملي في الآيات وقدرة الله عز وجل لأن محد رح يساعدك اللي الله عز وجل وشكراااااااا أتمنى استفدتوا واسفة عالاطالة بس والله انيي نااصحة لكي ……. تحياتي

  13. ..... قال:

    ممكن أعرف قصة. اعتراف البنت أم حرف إيش تقصدوا

  14. ليلى قال:

    الله قال للنبي موسى عليه السلام واخوه لما راح لفرعون لشخص قال أنا ربكم الاعلى قال له  بما معنى الايه(فقولوا له قولا لينا لعله يتذكر او  يخشى)
    ولا تعيب فتبتلى احمد ربك ولا احد إجبرك تصدقها

    —– 
    يا صاحبة الاعتراف الله خلقنا بعقل علشان نوزن فيه أمورنا ونعرف نميز الصح من الخطأ،لما عقلنا يقول لنا الفعل الفلاني خطا نتركه ما نستمر عليه لانه الخطأ يجرك لخطأ اكبر منه.

    انتي اسألي نفسك عن اللي تبين توصلين له معاهم اثنينهم زواج؟لا ،حب بعد لا اللي بتوصلين له شئ اسمه غباء ونهايه مؤلمه ودعوه من زوجه تخليك متندمه وما تتوفقين طول حياتك .

    الاول وكعادة الشباب يبي يطقطق والأخت رقيقة المشاعر تقول له كل شي وتقول احبه ويفهمني والكلام اللي حفظناه،
    والثاني خاين ويدور بنات وش اللي تبينه منهم يعطونك وياه ومو موجود عند غيرهم؟
    بس يسمعون لك ويكبرون راسك فاقطعي هالطريق وأرجعي لربك وعيشي حياتك بلا حب وبلا وجع راس.

    الله يستر علينا وعلى بنات المسلمين.

  15. 29C03D75 قال:

    اذا انتي عارفه انك على غلط
    وعلاقتك معاه حرام والى الحين
    تكلمينه شي غريب صراحه
    وزياده على كذا تكلمين ولد خالتك
    ومتزوج وعنده اوﻻد
    مو حرام اللي تسوينه بنفسك ♡’
    ومالك اﻻ تنسينه وتعيشين حياتك
    والله يسعدك ويوفقك

  16. باين من كلامك ان شخصيتك كتومة هادية نوعا ما
    عشان كيذا إذا بغيتي تحبين أحد
    أمك وين راحت أبوك أخواتك
    أو صديقتك القريبة منك هذي العاطفة ابعثيها لأسرتك المحتاجة لك اتركي العيال و حتى لو قال انه يحبك و مستحيل يتخلى عنك
    يجي يوم و يقول لك لقيت بنت الحلال و الله يستر عليك عشان كيذا انتبهي حبيبتي  

  17. برنس مآلك دآعي مره اذا مو عاجبك اطلع ياخي
    وعلى صاحبة الاعتراف
    منجدك انتي تكلمي ولد خالتك وهو متزوج؟
    حسبي الله خافي ربك
    لو بكرا زوجك كشفتيه يكلم بنات لا تلومي الا نفسك
    وين ضميرك؟
    احسبي حسابك ايش بتقولي لربك يوم الحساب

  18. - قال:

    السلام ‘

    غلط مرا انكك تكلمين ولد خالتكك يختي انتي ماتستحين ماتخافيينن ربكك تكلمينن رجال متزوج وعنده بزران وزوجته تخيلي زوجك يكلم بنتت خالته ويقوله أحبكك وأنتي عندك بزران معليش يعني حبي مثل ماتبين بس انك تخربين حياه انسان وقسم ترجع لك وتندمينن – نصيحتي لك لاتكلمينن ولا أحد منهم معليش يعني تكلمين إلي ماتزوج ولا إلي متزوج وأنا أقولك ولا أحد منهم لأنن علاقتك معهم ماله شيء محدد وشكرا

  19. اعيدي ترتيب بعثرتك
    وأحبي الله املئي قلبك به
    اشغلي نفسك بالطاعات
    ورددي اللهم ﻻتعلق قلبي بماليس لي
    غيري بيئتك وانتقلي لبيئة اكثر نقاءا وصفاء
    هذي كلماتي فلا تهمليها
    وكان الإله بجانبك

  20. مياسم قال:

    أختي الله يهديك ويهدي بنات المسلمين أولا:استغفري ربك وتوبي لله وابتعدي عن المحرمات فبكذا تقدري تتخلصي من هالشيء
    ثانيا: ابتعدي عن ولد خالتك لأنك راح تتسببي بفراق زوجين ويتبهذلوا الأطفال بعدين فحرام عليك تسوين كذا الأفضل إنك تبعدي عن ولد خالتك وتنسي الشاب اللي كنتي تكلميه لاتقولي صعب ماأقدر إلا راح تقدري وأكد لك. إنك بتتغلبي ع هالشيء إذا عندك إصرار قوي وبجد تبين تتخلصين وبس هذا اللي عندي إن شاء الله تستفدي وربي يهديك

  21. shoog قال:

    ي رؤؤحححي ااخختتصصري ع عممرك وتؤؤؤبي الى الله
    وااتتررككككككككي ككل هالاشياء لؤجه الله ..

    وصدييقتتك اللي نصحتتك لؤ ما تحبك ما قالت هالكلاام ربببي يخلييهااا
    لكك ققربببي منها اككثر خليها ككل شئ للكك بهالحيااه وصدقيننني بترتااحين …

    ( ما اشششد سعااآدة المرء حيين لا يؤدع اححدأإآآآ ولا ينتظظر اححد )

    :) :) :)

  22. حلم قال:

    لما كنتي تكلمين وتعصين خالقك الي كلمه واحده منه كن فايكون تغير مجرى حياتنا حسيتي بسعاده وانتي تسوي هالشيئ ؟؟؟؟؟؟؟
    والله والذي نفسي بيده لن يتذوق احد طعم السعاده وهو بعيد عن الله ويعصيـــــــــــــــــــــــــــــــــه ولا يصلي

الرد على الاعتراف



عدد الاعترافات : 4091 , عدد التعليقات : 27301 - جميع الحقوق محفوظة في هذه المدونة ولا يُسمح بنسخ أو استخدام أياً من محتواها