اتمنى اتغير .

اعترف ثقتي بنفسي معدومه !

كبرت على كذا مافي احد يرفع معنوياتي , احس اني غبيه
احس اني شينه , الشيء الوحيد اللي واثقه فيه عيوني والباقي ابد !
دايم اناظر وجهي بالمرايه : مريت احس اني حلوه ومرات احس اني ولا شيء !
مرات احس ان شخصيتي حلوه وعفويه وبشوشه ومرات احس ان شخصيتي تافهه وسامجه !
لمن اتكلم يطلع كلام ملخبط وسريع ومب مفهوم , لاني مو واثقه بنفسي م اقدر اتكلم .
من يوم ما انا صغيره وامي تحطمني وتستهزأ فيني .
دايم افكر افكار وتطلع غلط , دايم احس اللي قدامي يقولون وش تبي هالسخيفه ذي , هالشينه ذي !
حتى لو هم مو دارين عني :( ذاكرتي ضعييفه بالمره من سنتين وانا صايره ما اتذكر اسماء اللي حولي !
ما اقدر ارفع شعري عن وجهي احس اني قبيحه بالمره , ما اقدر اتكلم احس اني سامجه بالمره ,
واقعد اطول وانا اناضر اللي قدامي لا سوا لي شيء ! انا قويه مع اللي امون عليهم ووقحه وسليطة لسان
ومع الناس ما اقدر اقول شيء ! لاني اخاف , صديقتي القديمه تركتني عشان صارت بيني وبين وحده هوشه
وصارت تقولي لا تقولين كذا افعلي كذا , واللحين تركتني وانا ماعندي ثقه باللي اسويه ابد, قدر الله
علي ودخلت اهليه كل اللي فيها يكشخون وانا لا , بالرغم ن ماديتنا زينه الا ان خواتي وامي مايهتمون
بالاكتسوار والشنط وكل شيء هذا غير ان عددنا كبير وانا منسيه بين اخواني !

اتمنى اتغير للافضل اتمنى اثق بنفسي واطور من شخصيتي واهتم بنفسي :(

- كلامي ملخبط ومو مفهوم ومشاكلي تافهه بس حبيت افضفض :)
واخيرا اللي ما عنده رد زين فليتجمل بالسكوت :)



13 تعليقات على “اتمنى اتغير .”

  1. هههههههههههههه الرد مو زين يكتفي بالصمت كذآ أحسن لي وللقمورة صآحبة الأعترآف ^.^
    يآروحي أنتي مآبك شي بَ العكس من أسلوبك أحس شخصيتك جدآ رآئعة وطبعآ مو مجآملة ولآ شفقة بس هذآ اللي لمستة من أسلوبك مشكلتك أنتي أقنعتي نفسك أن أبد الثقة منعدمة وصفتي نفسك بالقبح وإنسآنة تآفهه يعني مآسمحتي لنفسك تمآرس الجآنب المشرق من شخصك أمسكي ورقة وقلم وشوفي صفآتك الحلوة فيك وغير هذآ كله أكتبي خطة التغير من ثقة ولبآقة وطيبة متزنة ومرح وسعآدة متكآملة إن شآءالله بس أتركي عنك انآ غبية وآنآ تآفهه وآنآ وآنآ وآنآ جربي الآنآ المشرقة زي آنآ لبقة مع الجميع أنآ ثقتي في نفسي مميزة أنآ جميلة مع أي تسريحة لشعري أصنعي الحلآوة لنفسك يَ أحلى بنوتة ربي يوفقك يَ غآلية ^_^

  2. shosho قال:

    انا كنت نفسسك ، بس اللحين اشوا شوي تطورت ، صرت اثق بنفسسي ^^
    اقري كتب عن تطوير الذات والشخصيات ،،الخ
    وانصحك بكتاب (( اثر الجاذبيه الشخصيه ))
    ممرا جمميل هالكتاب !
    صدقيني الي يقرا كتب ، يتطور !
    وحلو لو تحطين في بالك شي ، وتسوينه /*
    مثلا اليوم بسوي كذا وكذا “< ولازم تسسوينه بهاليوم ،
    اشغلي نفسك ، طوري هواياتك ،!
    لاتفككرين بهذي الاشياء ابدا ، انتي احلى من
    كذا بكثير ،!
    في ناسس مثلك واشد ، على الاقل انتي من اسلوبك واضح ان شخصيتك حلوه !
    بس يبيلك تطوير

  3. المترفه قال:

    الشخص يراه الناس كما يرى هو نفسه ف لا تقولي عن نفسك غبيه علشان ما يظهر لناس ما تقولي تحياتي

  4. حياتي هم قال:

    اناا زيك والله الله يعننل على نففففففسنا والله اححححيان ابكي من الهم و التعب و عدم الثقه بالنفس

  5. BB:29C03D75 قال:

    وليه ماتقولين انا شخصيتي قويه وانا حلوه
    افضل من تقولين اشياء تحبطك وتضايقيك
    بالعكس خليك واثقه من نفسك وعيشي حياتك
    واقري كتب عشان تتطورين وتكونين افضل
    والله يوفقك ويسعدك يارب♡/*

  6. ديــز قال:

    احرصي على قراءة الكتب وحاولي تطورين من نفسك وأطلعي وثقفي نفسك ، مع الوقت راح تجلسين بثقة وتتكلمين بمجالس فيها ناس كثيرين وهذا يعزز من ثقتك ..

  7. شكرا على ردودكككم ♥

    بحآول ازيد ثقتي بنفسي زي ماقلتو :)

    والله يسعدككككم ♥♥

  8. @ قال:

    انتي تحبطين نفسك بنفسك
    من كثر ماتقوليين هالأشياء لنفسك صار عقلك الباطني يصدقها
    لازم تشجعين نفسك بنفسك
    وتقولين لنفسك كلمات مشجعة
    أنا اقدر أنا قوية أنا جميله أنا أنا أنا ……..

    حتى لو كذب لكن عقلك الباطني بيصدق وفعلا بتصيرين كذا

  9. نوودي قال:

    شووفي حبيبتي زي ماتشووفي نفسك رااح يشووفونك الناس يعني إذا شفتي نفسك قبيحه الناس بتشووفك كذا وإذا شفتي نفسك حلوهـ الناس بتشووفك كذا كمممااااااااااان وخووذيها قاعدهت سوي إلي يعجبكـ مو إلي يعجب النااااس وآكشخيي وآستانسي وماعليكي من آهلك آهلك مايحبوون يتكشخوون بس آنتي لا مافي شئ نااقصك
    شووفي عندك ليزي فلاسكيز كيف قبيحه ومافي شئ همها بالعكس سووت كتب وطلعت بالتلفزيوون وتتكشخ مافي شئ ماسكها

  10. - قال:

    والله نفس حالتي بس مو تماما (:
    مشكلتي مو أي شخص آمون عليه
    والله خوالي وعماني بشكل يصدم ما آمون عليهم
    من يوم إجيء لين اروح وأنا بالبيبي ما ابيهم :’(
    بس بالمدرسة معاملتي مع البنات اجتماعية مره ._.
    الله يلهمنا الصبر =))<3

  11. Exo Girl قال:

    شوفي عزيزتي انا كنت نفس حالتك قبل!
    بس الحمد لله صرت اصلي كل صلاة بوقتها واقرأ الاذكار والورد اليومي وسورة البقرة.
    والله الذي لااله الا هو ان حالتي تغيرت 180 درجة بعد كذا.
    انت قولي لنفسك انا حلوة جميلة اقدر انجح اقدر اجذب الناس,عقلك راح يستقبل هذي الرسايل الايجابية ويرسلها للاعصاب فيكون كل شيء ايجابي بالنسبة لك.
    لما تقومين الصباح قولي لنفسك اليوم راح يكون اجمل ايام حياتي افتحي الشباك وسوي شهيق وزفير خلايا الدماغ راح تتنشط.
    لما تشوفين اي وحدة ابتسمي هي تلقائيا راح تبتسم لاتقولين اني خلاص انا باوقف هنا
    لو كلنا قلنا كذا ماكان احد قدر يسوي علاقات!
    وفي كل شخص منا تميز وجوهر خاص فيه بس يحتاج دفة بسيطة عشان يبان هذا الجوهر.

  12. ماجد قال:

    لا توجد انثى على وجه الارض قبيحه الا اذا هي اردات ذالك

    لا تقولين انا و انا وانا و ليه الناس غير ليه الناس كذا و انا كذا
    ابصم لك فيك ميزه عن غيرك الكل يتمناها بس انتي ما تشوفينها
    الانسان مايشوف نفسه
    اذا اهلك و خواتك ما يهتمون انتي اهتمي اطلعي اشتري الاشياء اللي تعجبك و تحبينها
    بعدين ليه تخلين شعرك على وجهك وانا متاكد انك قمر
    مو تقولين عيونك حلوه كم من شخص يحب عيونك ويحب نظره منها وانتي تخفينها بشعرك

    نصيحة مني لك >>اخته جنبه تقولك
    قصي شعرك قصه جديده و روحي سوي ستايل جديد تحبينه وكل ماحسيتي انك مو واثقه رددي ثقتي بنفسي كبيره
    اللي قدامي وش احسن مني فيه عشان اكون قدامه بدون ثقه

    و ملاحظه : ترا الثقه ماتجي من كلام الناس الثقه تجي من اعماقك انتي يعني امك و خواتك كلامهم لا ياثر فيك

    والله يوفقك و يسر امورك

  13. Mero قال:

    وأانا بعد نفسي آكون واثقه بنفسي ثقه موطبيعيه :) يعني آستغفرالله على انه شكلي مراا حلو وكل النااس عاجبتهم ودايمن إتلقىى مدح بسَ مافي فائده ‹☺› ماني بواثقه أو بالأحرى موعاجبني شيء فنفسي

الرد على الاعتراف



عدد الاعترافات : 4035 , عدد التعليقات : 26847 - جميع الحقوق محفوظة في هذه المدونة ولا يُسمح بنسخ أو استخدام أياً من محتواها